సువార్తలను మనము చదువు ప్రతిసారీ మనం ఆశ్చర్యముతో నిండుకోవాలి. సువార్త కథనములను సంపూర్ణంగా అవగాహన చేసుకొనకుండా యేసు యొక్క మనసులోతుల్లోనికి మనము ఎప్పటికీ వెళ్ళలేము. మన ప్రభుని జీవితమును గూర్చిన ఈ నివేదికలు క్రొత్తదైన దృక్పథమును పొందుటకు మరియు క్రొత్తగా కనుగొనబడిన ఆత్మీయ జ్ఞానమందు సంతోషించుటకు ఇవి దోహదపడతాయి.
మార్కు యేసును దీనుడైన సేవకునిగా, మాటలు చెప్పేవాని కంటే చేతలు ఎక్కువ చేసే వానిగా చూపుతున్నాడు. ఫలితంగా, యేసు యొక్క బోధలు కాక యేసు యొక్క కార్యములే యేసు జీవితము మరియు పరిచర్యను గూర్చిన ఈ కథనములో ఎక్కువగా కనిపిస్తూ ఉంటాయి.
మార్కు సువార్త యొక్క జాగ్రత్తతో కూడిన అధ్యయనము మీ జీవితమును మరియు ఇతరుల జీవితమును కూడా మార్చగలదు. ఈ కథనములో మనము కనుగొను మన ప్రభుని జీవితమును గూర్చిన సందేశములు మన హృదయములలోనికి చొచ్చుకొని పోగలవు మరియు దైవికమైన జీవితమును జీవించుటకు మరియు ఇతరులతో సువార్తను పంచుకొనుటకు ఆసక్తిని ఈ సందేశములు కలిగియున్నవి. మార్టెల్ పేస్